Boektour Gabriëlle Terpstra en Remco Kuiper door Fryslân

Door: Ynte Dragt

WARKUM - De skriuwster Gabriëlle Terpstra en dichter Remco Kuiper binne mei harren earste boeken op boektour troch Fryslân. Yn 2025 presintearren se yn keunstnersdoarp Asgaard (‘Geller’) en it teater De Bres (‘Grûnwetter’) harren earste wurken. No reizgje se de provinsje yn om dizze boeken noch mear bekendheid te jaan.

De boektour begjint op snein 17 maaie om twa oere yn El Cafetin, de Harmonie, yn Warkum. Letter yn de maitiid is der in optreden yn keunstromte H47 yn Ljouwert op 29 maaie om acht oere jûns, folge troch in optreden op snein 21 juny om trije oere yn keunstromte De Groen yn Dokkum.

Yn de hjerst fan 2026 binne der noch trije optredens op ferskate plakken yn Fryslân, dêr’t fansels mear details oer bekend makke wurde oan it ein fan augustus.

De tour is in gearwurking mei útjouwerij De Ryp en ferskate lokaasjes yn Fryslân. De optredens binne net allinnich foar de boeken fan Terpstra en Kuiper, mar ek foar in gearwurking mei sjonger en lietskriuwer ZEA en de poëten Martsje de Jong en Lubbert Jan de Vries. It optreden duorret sa’n 1,5 oere en is bedoeld foar in nijsgjirrich en frij publyk, mei in dynamyske en frije foarm fan it barren.

Oer de boeken binne de resinsjes ek tige posityf. “Grûnwetter” fan Remco Kuiper wurdt yn it Friesch Dagblad omskreaun as in “ferbjusterend rike bondel” en yn de Leeuwarder Courant wurdt it poëtyske wurk roemd om de “toan” dy’t tichtby, eigen en hast trochsichtich is. Gabriëlle Terpstra’s “Geller” krijt fan de Leeuwarder Courant lof foar it “koele wize beskriuwen” fan de ûnderfiningen fan it haadpersoan, wêrmei’t de lêzer syn eigen miening foarmje kin.

De boektour fan Gabriëlle Terpstra en Remco Kuiper biedt in unike kâns foar poëzjeliefhawwers en boekenfanners om yn in aparte en iepenbloeide sfear dizze jongste literêre wurken te belibjen.